વાપીમાં મહેસાણા જિલ્લા પ્રગતિ મંડળ દ્વારા રક્તદાન કેમ્પનું સફળ આયોજન
વાપી: મહેસાણા જિલ્લા પ્રગતિ મંડળ ચેરિટેબલ ટ્રસ્ટ, વાપી અને મહેસાણા સેવિંગ્સ એન્ડ ક્રેડિટ કો-ઓ. સોસાયટી લિમિટેડ, વાપીના સંયુક્ત ઉપક્રમે વાપીમાં આવેલ પુરીબેન પોપટ લાખા લાયન્સ બ્લડ બેન્ક ખાતે એક ભવ્ય રક્તદાન કેમ્પનું આયોજન કરવામાં આવ્યું હતું. આ કેમ્પનું શુભારંભ રાજ્યના નાણાપ્રધાન શ્રી કનુભાઈ દેસાઈના હસ્તે કરવામાં આવ્યું હતું, જેમણે આ ઉમદા કાર્ય માટે સંસ્થાને શુભેચ્છાઓ પાઠવી હતી.
મહેસાણા જિલ્લા પ્રગતિ મંડળ ચેરિટેબલ ટ્રસ્ટના પ્રમુખ શ્રી નરેન્દ્ર પટેલે જણાવ્યું કે, તેમની સંસ્થા વર્ષોથી સમાજસેવાના વિવિધ કાર્યો સાથે સંકળાયેલી છે. આ સેવાકીય પ્રવૃત્તિઓમાં વિદ્યાર્થીઓને રાહતદરે નોટબુકનું વિતરણ, જરૂરિયાતમંદોને સહાય, ક્રિકેટ ટૂર્નામેન્ટનું આયોજન અને વાપીની રક્તબેંકમાં રક્તની ઘટને પહોંચી વળવા રક્તદાન કેમ્પનું આયોજન સામેલ છે.
આ વખતનો રક્તદાન કેમ્પ પણ રક્તબેંકની રક્તની ઘટને પૂરી કરવાના ઉદ્દેશ્ય સાથ...
