21 જૂન 2025 ના રોજ, વલસાડમાં તિથલ સ્વામિનારાયણ મંદિરે 11માં આંતરરાષ્ટ્રીય યોગ દિવસની ઉજવણી હર્ષોલ્લાસભેર યોજાઈ. ગુજરાત રાજ્ય યોગ બોર્ડ અને વલસાડ જિલ્લા વહીવટી તંત્રના સંયુક્ત પ્રયાસથી આ કાર્યક્રમમાં મોટી સંખ્યામાં લોકો ભાગ લીધો હતો.
કાર્યક્રમમાં જિલ્લા કલેકટર ભવ્ય વર્મા, સાંસદ ધવલ પટેલ સહિતના અધિકારીઓ અને સ્થાનિક નેતાઓએ ઉપસ્થિત રહીને યોગનું મહત્વ રજૂ કર્યું. 45 મિનિટના કોમન યોગ પ્રોટોકોલમાં પ્રાર્થના, આસન, પ્રાણાયામ, ધ્યાન અને સંકલ્પ સાથે યોગનો અનોખો અનુભવ કર્યો હતો.
સાંસદ ધવલભાઈ પટેલે જણાવ્યું કે, ‘યોગ ભારતની ભેટ છે જે સમગ્ર વિશ્વને તંદુરસ્તી અને શાંતિ આપે છે. વડાપ્રધાન નરેન્દ્રભાઈ મોદીએ યોગને વિશ્વપટલ પર ઉજાગર કરીને આપણી સંસ્કૃતિને નવી ઊંચાઈએ પહોંચાડી છે.’ તેમણે ‘યોગા ફોર વન અર્થ, વન હેલ્થ’ થીમનું મહત્વ પણ રજૂ કર્યું હતું.
કાર્યક્રમ દરમિયાન વડાપ્રધાન નરેન્દ્ર મોદીએ વિશાખાપટ્ટનમથી અને મુખ્યમંત્રી ભુપેન્દ્રભાઈ પટેલે વડનગરથી જીવંત સંબોધન કરીને યોગ દિવસની શુભેચ્છા પાઠવી. આ જીવંત પ્રસારણે ઉપસ્થિત દરેકને પ્રેરણા આપી હતી.
આ પ્રસંગે ભાગ લેનારાઓએ સંકલ્પ લીધો કે, યોગને દરેક ઘર અને દરેક વ્યક્તિ સુધી પહોંચાડવા માટે સામૂહિક પ્રયાસ થશે. આવો, આપણે પણ નિયમિત યોગથી સ્વાસ્થ્ય અને શાંતિનો અનુભવ કરીએ!
યોગ બોર્ડના દક્ષિણ ગુજરાત ઝોન કો-ઓર્ડિનેટર પ્રીતિબેન પાંડેએ 45 મિનિટના કોમન યોગ પ્રોટોકોલનું સંચાલન કરીને પ્રાર્થના, આસન, પ્રાણાયામ, ધ્યાન અને સંકલ્પથી યોગનો મહિમા રજૂ કર્યો. ‘યોગા ફોર વન અર્થ, વન હેલ્થ’ થીમ હેઠળ સંકલ્પ લેવામાં આવ્યો કે, નિયમિત યોગાભ્યાસથી સ્વાસ્થ્ય સુધારવું અને યોગને દરેક ઘર સુધી પહોંચાડવો.
જિલ્લા કલેકટર ભવ્ય વર્મા, પોલીસ અધિક્ષક ડો. કરણરાજ વાઘેલા સહિતના અધિકારીઓ, વિવિધ સંસ્થાઓ અને શાળા-કોલેજના વિદ્યાર્થીઓએ આ ઐતિહાસિક કાર્યક્રમમાં ભાગ લીધો હતો.
