Vihar Vaishnav: હૈદરાબાદના 29 વર્ષીય સોફ્ટવેર એન્જિનિયર, જે દુર્લભ જન્મજાત હૃદય રોગથી પીડાતા હતા, તેમણે શહેરના કોંડાપુરની KIMS હોસ્પિટલમાં રોબોટિક કાર્ડિયાક સર્જરી સફળતાપૂર્વક કરાવી.
આશ્ચર્યની બાબતે એ છે કે, આ સર્જરીમાં દર્દીનું હૃદય બે કલાક માટે બંધ કરવું પડ્યું હતું, જ્યારે તેને કાર્ડિયોપલ્મોનરી બાયપાસ પર મૂકવામાં આવ્યો. સામાન્ય રીતે આને હાર્ટ-ફેફસા મશીન તરીકે ઓળખવામાં આવે છે, જે અસ્થાયી રૂપે દર્દીના હૃદયનું કાર્ય સંભાળી લે છે.
બન્યું એવું કે, દર્દીને ખૂબ થાક લાગવા લાગ્યો અને તે હંમેશની જેમ બેડમિન્ટન રમી શકતો ન હતો, તેથી તેને KIMS માં દાખલ કરવામાં આવ્યો. ખામીને દૂર કરવા માટે રોબોટિક તકનીકનો ઉપયોગ કરવામાં આવ્યો અને પ્રક્રિયા પાંચ કલાકથી વધુ ચાલી. છાતીમાં ફક્ત એક નાનો ચીરો કરવામાં આવ્યો હતો, જેના દ્વારા સર્જરી કરવા માટે રોબોટિક હાથ દાખલ કરવામાં આવ્યા હતા.
KIMS કોંડાપુરના ચીફ કાર્ડિયાક સર્જન ડૉ. નિસર્ગે જણાવ્યું હતું કે, દર્દી ઝડપથી સ્વસ્થ થઈ ગયો અને એક અઠવાડિયામાં તેને રજા આપવામાં આવી. ચીફ ઇન્ટરવેન્શનલ કાર્ડિયોલોજિસ્ટ ડૉ. રવિકુમાર અલુરી, કાર્ડિયાક સર્જન ડૉ. વિનીત, કાર્ડિયાક એનેસ્થેસિયોલોજિસ્ટ ડૉ. દિવ્યા અને ડૉ. ગોરિંથા મનોહ અને અન્ય લોકો આ રેર એટલે કે દુર્લભ છતાં અગત્યની સર્જરીમાં સામેલ હતા.
