સબમરીન વિરોધી યુદ્ધ જહાજ (ASW SWC) શ્રેણીનું 6ઠ્ઠું જહાજ ‘BY 528 MAGDALA’ જળમાં ઉતારાયું
ભારતીય નૌસેનાની Anti-Submarine Warfare Shallow Water Crafts(ASW SWC) શ્રેણીનું છઠ્ઠું જહાજ ‘BY 528 MAGDALA’ 18મી ઓક્ટોબરના Cochin Shipyard Limited (CSL), કોચી ખાતે સફળતાપૂર્વક લોન્ચ કરવામાં આવ્યું.
Advertisement
નૌકાદળની ગૌરવશાળી દરિયાઈ પરંપરા મુજબ, આ જહાજનું જલાવતરણ શ્રીમતી રેણુ રાજારામ દ્વારા વાઇસ એડમિરલ રાજારામ સ્વામીનાથન, ચીફ ઑફ મટિરિયલ (CWP&A), તેમજ ભારતીય નૌસેના અને CSLના વરિષ્ઠ અધિકારીઓની હાજરીમાં સંપન્ન થયું હતું.
સંપૂર્ણ સ્વદેશી ડિઝાઇન અને નિર્માણ:
કોચીન શિપયાર્ડ લિમિટેડ (CSL) દ્વારા સ્વદેશી રીતે ડિઝાઇન અને નિર્મિત કરાયેલ આ જહાજ, આઠ ASW SWC જહાજોની શ્રેણીનો ભાગ છે. આ શ્રેણીના પ્રથમ જહાજની ડિલિવરી ઑક્ટોબર 2025 ના અંત સુધીમાં પ્રસ્તાવિત છે.
Advertisement
આ ASW શેલો વોટર ક્રાફ્ટ જહાજો નૌસેનાની પાણીની અંદરની પ્રાદેશિક જાગૃતિ, સબમરીન વિરોધી યુદ્ધ ક્ષમતા અને માઇન બિછાવવાની દક્ષતાને મજબૂત કરશે.
અત્યાધુનિક હથિયારો અને સેન્સર્સ:
‘મગદલા’ જહાજ ત્રણ ડીઝલ એન્જિન સંચાલિત વોટર જેટ પ્રણાલીઓથી સજ્જ છે અને તેમાં અત્યાધુનિક સેન્સર અને હથિયાર પ્રણાલીઓનો સમાવેશ થાય છે:
Advertisement
- હલ-માઉન્ટેડ સોનાર (Sonar)
- લો ફ્રીક્વન્સી વેરીએબલ ડેપ્થ સોનાર (LFVDS)
- ટોર્પિડો (Torpedoes)
- સબમરીન વિરોધી રોકેટ
- NSG-30 ગન અને 12.7 મિ.મી. સ્ટેબિલાઇઝ્ડ રિમોટ-કંટ્રોલ ગન (SRCG)
આ તમામ ઉપકરણો જહાજની દરિયાઈ દેખરેખ અને હુમલો કરવાની ક્ષમતામાં નોંધપાત્ર વધારો કરે છે.
Advertisement
80% થી વધુ સ્વદેશી યોગદાન:
‘મગદલા’નું લોન્ચિંગ જહાજ નિર્માણ, હથિયારો, સેન્સર અને અદ્યતન સંચાર પ્રણાલીઓમાં ભારતીય નૌસેનાની આત્મનિર્ભરતાની સતત શોધમાં એક મહત્ત્વપૂર્ણ સીમાચિહ્નરૂપ છે. 80% થી વધુ સ્વદેશી સામગ્રી સાથે નિર્મિત આ જહાજ હિંદ મહાસાગર ક્ષેત્રમાં ભારતના રાષ્ટ્રીય દરિયાઈ હિતોની સુરક્ષા માટે નિર્ણાયક અને સતર્ક ક્ષમતાઓ પૂરી પાડશે.
